Семейде тағы да сауда үйі өртенді

Семейдегі сауда үйлерінің бірінде өрт шықты, деп хабарлайды Orda.kz порталы облыстық төтенше жағдай департаментіне сілтеме жасай отырып.

Төтенше жағдайлар департаментінің хабарлауынша, сағат 13:51-де «Бирюса» сауда үйінде өрт шыққан.

«Алғашқы өрт сөндіру бөлімшелері келген кезде қатты түтін байқалды. Дереу газды өртті басқару бөлімшесі құрылып, барлау жұмыстары басталды. Сауда үйінің төбесі жанып жатқаны анықталды», - деп хабарлады құтқарушылар. 

Тілсіз жауға қарсы 16 адам мен 4 техника атсалысты.  Ол 14:21-де сөндірілді, қуанышқа орай еш зардап шеккен адам жоқ.

Алдын ала мәлімет бойынша, өрт аумағы 15 шаршы метрді құрады. Өрттің шығу себебі әлі беймәлім.