Семейде сауда үйінде түнде шыққан өрт әлі сөндірілмеді: бұған тұрғындар да кедергі келтіріп жатыр

6 ақпанда Семейдегі «Ақшын» сауда үйінде өрт шықты. Полиция мен өрт сөндірушілер оқиға орнында жұмыс істеп жатыр. 

Полиция қызметкерлері түнгі сағат 3-тен бастап жанып жатқан ғимаратқа кіруге тырысқан адамдар мен көліктерді эвакуациялады.

«Зардап шеккендер жоқ. Қазіргі уақытта 300-ден астам полиция қызметкері қоғамдық тәртіпті күзетуде» делінген ішкі істер министрлігінің хабарламасында.

Ғимарат қоршауға алынып, іргелес көшелерде көлік қозғалысы тоқтатылды. Полицейлер құтқарушыларға көмектесіп жатыр.

Аумақ бойынша полиция жұмысы күшейтілді. Алайда полиция оқиға орнында өрт сөндірушілердің жұмыс істеуіне кедергі келтіріп жатқан адамдар аз емес екенін хабарлады.