Семейде караоке-бардың жанында жаппай төбелес болды

Семейде караоке-бардың жанында жаппай төбелес болды, деп хабарлайды Orda.kz   полиция департаментінің баспасөз қызметіне сілтеме жасап.

«Әлеуметтік желілерде тараған төбелестің видеосына қатысты, 20 қаңтарда Семей қаласының ПБ-ның Затон полиция бөлімшесі денеге қасақана ауыр зиян келтіру және бір топ адамдар жасаған бұзақылық фактісі бойынша сотқа дейінгі тергеп-тексеруді бастағанын хабарлаймыз»  делінген хабарламада.

Бейнежазбада бір топ адам ағаш шоқпарларға ұқсас нәрсені қолданып жатқанын көруге болады.

Қазір күдіктілер анықталып, ұсталып, уақытша ұстау изоляторына қамалды. Полиция зардап шеккендер жоқ екенін мәлімдеді.