Семейде қала әкімі болуға үміткерлердің кім екені белгілі болды

Бүгін, 17 қыркүйекте әкімдіктің сайтында Семей әкімі болуға үміткер 4 азаматтың тізімі жарияланды, деп хабарлайды Orda.kz. 

Тізімдегілердің бірі ресми түрде уақытша жұмыс істемейтін адам ретінде көрсетілген. Екі үміткер коммуналдық кәсіпорындарды басқарады. Олардың мемлекеттік құрылымдармен тығыз байланысы бар.

Тізімдегілер:

• Қанат Шапатов — «Балалар мен жастардың шығармашылық сарайы» КМҚК директоры.
• Қаныш Төлеуов — «Геодезия, картография және құрылыс Жоғары колледжі» КМҚК директоры.
• Әділет Қожанбаев — ірі аумақтық бірліктерді басқару тәжірибесі бар жалғыз кандидат. Бақылаушылардың пікірінше, оны мемлекеттік органдардың негізгі кандидаты ретінде қарастыруға болады.
• Айболат Бекжасаров — уақытша жұмыссыз. Алайда, Семей мәслихатының сайтында оның қалалық мәслихат депутатының міндетін атқарғаны туралы ақпарат бар.

Айта кетейік, тізімде қазіргі уақытта Семей әкімі міндетін атқарушы Бекжан Бапышевтің болмауы күтпеген жағдай болды.

Сайлауалды үгіт-насихат 16 қыркүйекте басталып, 11 қазанда аяқталады. Үміткерлердің сайлаушылармен кездесуі үшін әкімдік пен сайлау комиссиясы арнайы орындар дайындайды.

Айта кетейік, әнші Алла Пугачёва журналист Катерина Гордееваға берген сұхбатында өзінің отбасы мен туған бауырының қасіретті тағдыры туралы айтып берді. Оның айтуынша, ағасы кеңес дәуірінде Қазақстанда әскери қызмет етіп, Семейдегі ядролық полигонда радиацияға ұшыраған.