Семейде алтын ұрлаумен айналысқан қылмыстық топ құрықталды

Семейде алтын кенін ұрлаумен айналысқан қылмыстық топ қолға түсті. Топ құқық қорғау органдарының қазіргі және бұрынғы қызметкерлерінен құралған.

— Нұр-Сұлтан, Алматы, Павлодар және Семей қалаларында Ұлттық қауіпсіздік комитеті Ішкі істер министрлігімен бірлесіп, ауыр және аса ауыр қылмыстар жасауға қатысы бар ұйымдасқан қылмыстық топтың жолын кесуде ауқымды арнайы операция жүргізді,  деді ҚР ҰҚК ресми өкілі Әркен Әбдіғали.

Аталған қылмыстық топтың 16 адамнан тұрады. Қауіпсіздік Комитеті оларды бір мезетте төрт қаладан ұстаған. Олардан қомақты қаржы, алтын құймалар, байланыс құралдары тағы басқа  заттар тәркіленді.

Қылмыстық топ мүшелеріне Шығыс Қазақстан облысындағы кәсіпорындарының бірінен құрамында алтыны бар шикізат ұрлау дерегі бойынша айып тағылды. Сонымен қатар оларға адам ұрлау, бопсалау, кісі өлтіруге оқталу сияқты ауыр қылмыс бойынша да жауап беруге тура келеді.

Семейдегі кейбір алтын кен орындарын ұйымдасқан қылмыстық топ басқарып отыр деген ақпарат расталды. Күні кеше инстаграмда Zoloto деген атпен тіркелген қолданушы биліктен әділеттілік сұрап, шағым жасағанын болатын. Бүгін расталған ақпараттың мына сілтемеден көре аласыздар.