Семейде адамды азаптады деген күдікпен полиция қызметкері қамауға алынды

Семейдегі орталық полиция бөлім қызметкері адамды азаптады деген күдікпен ұсталды.

Ол Қылмыстық кодекстің 146-бабының 3-бөлігі, 1-тармағы (Азаптау, яғни лауазымды адамның қасақана тән жарақатын және (немесе) психикалық зардап келтіруі) бойынша қылмыс жасады деген күдікке ілінді.

Абай облысының прокуратурасы 2024 жылғы 26 қаңтарда күдіктіні Семей полиция басқармасының уақытша ұстау изоляторына қамады. 

«Облыстың мамандандырылған тергеу соты күдіктіге қатысты екі ай мерзімге күзетпен ұстау түріндегі бұлтартпау шарасын санкциялады. Қазіргі уақытта сотқа дейінгі тергеу амалдары жалғасып жатыр» деп хабарлалы бас прокуратураның баспасөз қызметі.