Семейде 100 млн теңге тұратын есірткі тәркіленді

Семейде жедел уәкілдер кең ауқымды арнайы операция өткізді.

Ақпарат Zakon.kz сайтына жарияланды, деп хабарлайды Orda.kz.

ПД баспасөз қызметінің хабарлауынша, тінту барысында жедел уәкілдер аса ірі көлемде 1,5 центнерден астам кептірілген марихуана мен 10 кг гашиш есірткі заттарын тәркіледі.

— Жедел іс-шара барысында Семей қаласының 44 жастағы тұрғыны есірткі заттарының аса ірі партиясын Семейге жеткізіп, сатпақшы болғаны анықталды. Жалпы, есірткі сатушыдан 153 кг-нан астам марихуана және 10 кг гашиш тәркіленді. Тәркіленген есірткі құралдарының саны 32 мың дозадан көп. Олардың бағасы «қара нарықта» 100 млн теңгеден асады, - ШҚО ПД бастығының орынбасары Талғат Шаяхметов.

Күдікті қамауға алынды.

ҚР Қылмыстық Кодексінің 297-бабының 3-бөлімі бойынша сотқа дейінгі тергеу жүргізілуде, онда мүлкін тәркілей отырып, 15 жылға дейін бас бостандығынан айыру жазасы көзделген.