Семей қаласының 1-ЖЭО-на көмір қолмен тасылып жатыр

Құтқарушылар мен әскери қызметкерлер Семей қаласының 1-ЖЭО-на көмірді қолмен жеткізуді жалғастыруда.

14 желтоқсан күнгі сағат 21:00-дегі жағдай бойынша қазандықтарға 34 тоннаға жуық көмір қолмен құйылды. Жұмыс әрі қарай жалғасуда. Бұл туралы ҚР Төтенше жағдайлар министрлігі хабарлады.

Семей ЖЭО-1  электр кабелін ауыстыру бойынша қалпына келтіру жұмыстарын жалғастырылып жатыр.

Айтпақшы, Семей қаласындағы тұрғын үйлер мен инфрақұрылым нысандарының жылуын қамтамасыз етуге 60 әскери қызметкер көмек көрсетуде. Олар үш ауысымда жұмыс істейді.

Ал, Семейде ауа температурасы -26 градус.

Еске салайық, кеше түнде Семей қаласында  төтенше жағдай орын алған болатын. 1-ЖЭО-да мазут нысандарын отынмен қамтамасыз ететін қоректендіру құрылғысы істен шықты.