Семей полигоны аумағында радиация деңгейі тексерілді

Қазақстан Республикасының Ұлттық ядролық орталығы 2021 жылы Семей сынақ полигоны жерлерінің радиоактивті ластануын зерттеуді аяқтауды жоспарлап отыр.

Толығырақ Orda.kz сайтында.

Полигон аумағында ядролық сынақтардың әсерін зерттеу 2008 жылы басталды. Су, ауа, өсімдіктер мен жануарлар әлемінің жағдайы зерттелді.

— Полигон аумағындағы және одан тыс жерлердегі ауа және су құрамын зерттеуге арнайы зертханаларда одан әрі талдау үшін сынама алу жүргізілетін мониторинг пункттері құрылды. Қазіргі уақытта ауа құрамын бақылаудың төрт пункті және су құрамын бақылаудың сегіз пункті бар. Барлығы 22 мониторинг пунктін құру жоспарлануда, - деп хабарлады Энергетика министрлігі.

Ауадағы радиоактивті элементтердің ең көп мөлшері тікелей ядролық сынақтар жүргізілетін жерден табылды. Полигонның ластанған учаскелерінен тыс жерлерде радиоактивті элементтер анықталған жоқ.

— Нәтижесінде мониторинг жалпы полигонда және одан тыс жерлерде ауа және су құрамының ағымдағы радиациялық жай-күйі тұрақты және халық үшін қауіп төндірмейтінін көрсетті, - делінген хабарламада.

2021 жылы Семей сынақ полигонының жабылғанына 30 жыл болады.