«Семей орманын» 4,5 млрд теңгеге сатылымға шығарылды

2023 жылы алапат өрттен зардап шеккен  «Семей орманы» табиғи резерваты 4,5 млрд теңгеге сатылып жатыр, деп хабарлайды Orda.kz.

Резерват басшылығы өртенген қорықтардың бірін «Электронды сауда алаңы» порталында сатылымға шығарды. Сайтта барлығы 51 лот ұсынылған. Бастапқы баға 4,5 миллиард теңгеден асады. Ең төменгі баға 11 миллион теңге. Бұл соммаға 1083 текше метр ағаш қарастырылып отыр. 175,8 миллионға дейінгі сомаға 17 335 текше метр көлеміндегі ағаш көрсетілген. Лотта сатылымға ұсынылған ағаштар өткен жылғы өртте зақымдалған.

Электрондық сауда алаңы платформасындағы бұл лоттың өзге аукциондардан айырмашылығы — аукцион құны төмендемейді, керісінше жоғарылайды. Демек алдағы уақытта орман құны 4,5 миллиард теңгеден жоғары болуы мүмкін.

Еске сала кетейік, 2023 жыл, мауысымда «Семей орманы» табиғи қорығы алапат өртке оранған болатын. Өртті сөндіру барысында 15 адам қаза тапты.