«Семей орманы» қорығындағы өрт кезінде қаза тапқандарға ескерткіш тақта орнатылды

«Семей орманы» қорығында болған өрт кезінде қаза тапқан жұмысшыларға ескерткіш тақта орнатылды, деп хабарлайды Экология және табиғи ресурстар министрлігі.

«Семей орманы» қорығында қызметтік міндетін атқару кезінде қаза тапқан орман шаруашылығы қызметкерлеріне арналған ескерткіш тақтаның салтанатты ашылуы өтті» делінген хабарламада.

Мемориалдық тақтаны ашу құрметін орман шаруашылығының ардагері, Жаңашүлбі филиалының Орталық орман шаруашылығының бригадирі Решетин Александр  қабылдап алды.

«Ормандарды сақтау мен қорғаудағы  ауыр да қауіпті еңбекті келешек ұрпақ жадында қалдыру және бағалау үшін, өрт сөндірушілер мен орманшыларымыздың  қаһармандығы ұмытылмауы үшін біз ерлік көрсеткен әріптестеріміздің есімдері жазылған мемориалдық тақта орнаттық. Олар алапат  өрттен орманды және адамдарды қорғау кезінде қаза тапты. Өмір - адамның ең қымбат нәрсесі. Ешкім де, ештеңе де ұмытылмайды. Жұмысшыларымыздың қазасы туралы жан түршігерлік хабарды бәріміз де терең қайғымен еске аламыз. Оларды мәңгі есте сақтаймыз», - деді «Семей Орманы»  бас директоры міндетін атқарушы Әсемгүл Нысамбекова.