«Семей орманы» аумағында тұтанған өрттің беті қайтты

«Семей орманы» аумағында жаңадан тұтанған өрт оқшауланды, деп хабарлайды ҚР Төтенше жағдайлар министрлігінің баспасөз қызметі.

«5 тамызда сағат 10:21-де Семей Орманы аумағындағы орман алқабындағы өрттің беті қайтты. Қорықтың мәліметі бойынша, өртенген аумақ 27 гектар болды» делінген сенбі күні тараған хабарламада.

Белгілі болғандай, жағдайдың тұрақталуына байланысты Төтенше жағдайлар министрлігі бөлімшелері тұрақты орналасу орындарына қайтарылды.

Өрт 4 тамыз күні шыққан.

Еске салайық, маусым айында Абай облысында болған өрт аумағы 60 мың гектардан асты.