Сегізінші сынып оқушысы бақылаудан шыққан автобусты тоқтатты

Жігіт тежегішті басып, апаттың алдын алды.

Алматы облысының Іле ауданында 8-сынып оқушысы Ақжол жүргізуші көлікті басқарып келе жатып талып қалған кезде автобусты тоқтатып, жол апатының алдын алды, деп хабарлайды Алматы облысы әкімдігінің баспасөз қызметі.

Жүргізуші есін жоғалтқандықтан автобустың қозғалысын басқара алмай қалған. Жас жігіт тежегішті басып, көлікті тоқтатып үлгерді. Соның арқасында автобус жақын маңдағы үйлерге соғылмады.

Мектеп оқушысының аты – Ақжол. Жігіт №24 лицейдің 8 «Е» сыныбында оқиды. Оқиға куәгерлері мен автобус жолаушылары оған ризашылықтарын білдіріп, оқушының әрекетін жоғары бағалады.