Сбербанктің вице-президенті ақша жымқырды деген күдікпен ұсталды

Сбербанк вице-президенті, бұрынғы білім министрінің орынбасары Марина Ракова тергеуге шақырылды.

Бұл туралы Orda.kz Интерфаксқа сілтеме жасап хабарлады.

Сбербанктің вице-президенті Министрліктің жанындағы Білім беруді дамытудың жаңа нысандары қорының жұмысының алаяқтық схемалары үшін аса ірі көлемде (Ресей Федерациясының Қылмыстық кодексінің 159-бабы) қаржы жымқырды деп айыпталуда. Оның күйеуі Стеценко да қорда жұмыс істеген.

Интерфакстың хабарлауынша, Ракова Ішкі істер министрлігінің бас тергеу бөліміне жеткізіліп, куәлік беруде.

Алғаш рет 29 қыркүйекте Сбербанк вице-президентінің Ішкі істер министрлігінің Тергеу департаментіне жауап алуға әкелінгені хабарланды. 9 тамызда оған қарсы бюджет қаражатын жымқыру фактісі бойынша қылмыстық іс қозғалды.

Еске салсақ, бұған дейін ҚР премьер-министрі Асқар Мамин мен «Сбер» компаниялар тобының жетекшісі Герман Греф меморандумға қол қойған болатын. Құжат жүйелердің реинжинирингін және цифрлық архитектуралық модельді өзгертуді қарастырады.

Сбербанк электронды үкіметтің мүмкіндіктерін көбейтетін бірыңғай шифрлау тілін, әр түрлі бөлімдер арасында тұрақты және қарапайым ақпарат алмасуды дамытуға уәде берді, бұл ақпаратты алу уақытын едәуір қысқартады. Меморандумның жариялануы қоғамда дүрбелең туғызды, адамдар елдің ұлттық қауіпсіздігіне, егемендіктің сақталуына және олардың ақпараттарының таралу ықтималдығына алаңдаушылық білдіруде.