Сауль Альварес қазақ кәсіпкерін шапан киіп құттықтады 

Кәсіпқой бокстан белгілі спортшы Сауль Альварес қазақтың ұлттық шапанын киіп, белгілі кәсіпкер, Suleimen Promotion компаниясының негізін қалаушы Ибрагим Ақдрашевті 60 жылдық мерейтойымен құттықтады.

Suleimen Promotions в Instagram әлеуметтік желісіндегі парақшасында белгілі боксшының қазақстандық кәсіпкерді құттықтағаны туралы жазылған.  

«WBC бүкіләлемдік бокс ұйымы және әлемге әйгілі боксшы, абсолюттік чемпион Сауль (Канело) Алварес «Suleimen Promotion» промоутерлік компаниясының негізін қалаушы, кәсіпкер Ақдрашев Ибрагим Шияпұлын келген 60 жасымен құттықтады» делінген желідегі жазбада.

 Мексика боксшысы өз құттықтауында, Ибрагим Ақдрашевке денсаулық тілеп, өз атынан ыстық лебіз білдірді.