Саусақтарын кесіп тастаған баланың ата-анасы дәрігерлерге шабуыл жасады

Көкшетауда үш жастағы баланың үйде алған жарақаты салдарынан үш саусағының басын кесіп тастады. Отадан кейін баланың ата-анасы төбелес шығарды, деп хабарлайды Orda.kz

Жарақат алғаннан кейін жедел жәрдем баланы Ақмола облыстық балалар ауруханасына жеткізді. Ата-анасының айтуынша, травматолог Мейрам Дүйсекеев сүйектердің мыжылғанын айтып, ампутация жасау туралы шешім қабылдаған, деп хабарлайды Nayzakokshe.

Дәрігер шұғыл операция тағайындап, баланы жансақтау бөліміне жіберген. Жансақтау бөліміне  бөгде адамдардың кіруіне тыйым салынғанына қарамастан, ата-анасы ол жерге кіріп кеткен.

«Баласының ауыр жағдайда жатқанына қарамай,  ата-анасы палатаның жанында дәрігерлерді балағаттап, оларға шабуыл жасаған. Ер адам медициналық қызметкерді мойнынан ұстап алған. Мұның бәрі камераға түсірілген, оның ішінде әкесінің бөлімшеден шығарылған сәті де бар»,  деп жазады NayzaKokshe.

Бұл даумен оқиға аяқтала қойған жоқ. Баланың анасы қабылдау бөліміне барып, баланың саусақтарын кесуге шешім қабылдаған дәрігерге қатты дауыс көтеріп,  талап қойған.

Ата-аналар да,  медициналық қызметкерлер де полицияға арыз жазған. Құқық қорғау органдары оқиға бойынша тексеру жүргізіп жатқанын хабарлады.