Сауранбаев Көлік министрлігі қызметкерлерін марапаттады

Көлік министрі Нұрлан Сауранбаев Көлік қызметкерлері күніне орай екі жүзге жуық қызметкерге мемлекеттік наградалар тапсырды, деп хабарлайды Orda.kz.

Марапатталғандар арасында:

• «Қазақстанның Еңбек Ері» атағы,
• «Қазақстанның көлік саласының қайраткері» құрметті атағы,
• «Парасат», «Құрмет», «Еңбек Даңқы» III дәрежелі ордендері,
• сондай-ақ «Ерлігі үшін», «Ерен еңбегі үшін» және «Шапағат» медальдары бар.

Министрліктің мәліметінше, Қазақстанның көлік саласында шамамен 772 мың адам еңбек етеді. Сауранбаев өз сөзінде алда тұрған жобалар жүйелі жұмысты талап ететінін атап өтіп, әлі де атқарылатын жұмыс көп екенін ескертті.

Қазіргі таңда атқарылып жатқан жұмыстар:

1300 шақырымнан астам жаңа теміржол желісі салынуда,
12 мың шақырым автожол жөнделіп, жаңадан төселуде,
үш әуежайдың құрылысы жүріп жатыр,
заманауи логистикалық хабтар дамытылуда.

2029 жылға дейін еліміз арқылы өтетін жүк транзиті көлемін 100 млн тоннаға дейін ұлғайту жоспарланып отыр. Министрлік мәліметінше, 2025 жылдың алғашқы жартыжылдығында салада 22,7% өсім тіркелген.

Сондай-ақ, көлік жүйесіне цифрлық технологияларды енгізу және мамандарды даярлауға қосымша гранттар бөлу жоспарланған.

Нұрлан Сауранбаев Көлік министрі қызметіне 8 маусымда тағайындалған болатын. Ол бұл лауазымда Марат Қарабаевты алмастырды. Басшының ауысуына 14 мамырда өткен Қауіпсіздік кеңесінің отырысы себеп болды, онда Президент Қарабаевқа көлік-логистика саласындағы проблемалар үшін сөгіс жариялаған. 

Қазақстан Президенті Қасым-Жомарт Тоқаев Марат Қарабаевты сөгіс алғаннан кейін бір айдан аз уақыт өткен соң көлік министрі қызметінен алып тастады.