Саунада түскен полиция қызметкерлерінің суреті талқыланды

Полиция департаменті қызметкерлерінің саунада түскен суреттері әлеуметтік желіде қызу талқыланып, қызметтік тексеріске ұласты.   

Жазба авторының мәліметінше, суретте Семей қалалық Орталық полиция бөлімі Жергілікті полиция қызметінің (ЖПҚ) басшысы, полиция майоры Ришат Сұңғатов өзінің қарамағындағылары - учаскелік инспекторлармен бірге отыр.

Карантиндік шараларға қарамастан полиция қызметкерлері қаңтар айында «жаңа басшының лауазымға ие болуын тойлау» үшін бас қосқан болып шықты.

Жазбаға қатысты ШҚО полиция департаментін пікір білдірді деп жазады Zakon.kz.

«Шынында да, әлеуметтік желілерде тараған суреттеде Семей полиция басқармасының қызметкерлері бар. Бұл дерек бойынша ШҚО полиция департаментінің өзіндік қауіпсіздік басқармасы қызметтік тексерісті бастады», - деп хабардар етті ведомство.