Сәуірде Ұлттық қордан миллиард доллардан астам қаржы сатылды

Ұлттық банк валюта нарығындағы жағдай туралы есебін жариялап, онда мамыр айында Ұлттық қордан 750 миллион доллардан астам соманы сату туралы хабарлаған.

Ұлттық банктің мәліметінше, сәуірде теңге бағамы аздап нығайды (бір доллар үшін 442,05 теңге), ал KASE-дегі орташа сауда көлемі тәулігіне 225 миллион доллардан 234 миллион долларға дейін өсті. Сауданың жалпы көлемі 5,1 миллиард долларға жетті.

Сәуір айында республикалық бюджетке трансферттерді қамтамасыз ету үшін Ұлттық қордан 1 миллиард 56 миллион доллар сатылды. Бұл ретте ҰБ  БЖЗҚ зейнетақы активтерінің валюталық үлесін сақтап қалу үшін қор биржасынан доллар сатып алуды жалғастырды (сәуірдегі сома жарты миллиард доллар болды).

Реттеушінің болжамы бойынша, мамыр айында Ұлттық қордан $750-ден $850 млн-ға дейін сатылып, Бірыңғай зейнетақы қорының қажеттіліктері үшін 450-500 млн долларға валюта сатып алынады.

«Ұлттық банк шетел валютасын тұрақты және біркелкі сатуды көздейтін нарықтық бейтараптық қағидатын ұстанады. Бұл тәжірибе Ұлттық қор операцияларының валюта нарығына әсерін барынша азайтуға мүмкіндік береді» делінген Ұлттық банк хабарламасында.

Реттеушінің сәуірге берген болжамы іс жүзінде ешқандай нақтылаусыз орындалды (1 сәуірде Ұлттық банк Ұлттық қордан шетел валютасын сатудың айлық көлемін $1,1 млрд деп бағалады).