Сауд Арабиясында АҚШ пен Украинаның келіссөзі басталды

Сауд Арабиясында АҚШ пен Украина делегацияларының келіссөздері басталды, деп хабарлайды Orda.kz. 

Украиналық басылымдар Сауд Арабиясындағы Джиддада украиндық және америкалық делегациялардың кездесуі басталғаны туралы хабар таратты. 

Басылымдардың мәліметінше, келіссөзге Украина сыртқы істер министрі Андрей Сибига, Украина президенті кеңсесінің басшысы Андрей Ермак және Украинаның қорғаныс министрі Рустем Умеров барған. Ал АҚШ-тан келіссөздерге мемлекеттік хатшы Марко Рубио, АҚШ президентінің ұлттық қауіпсіздік жөніндегі кеңесшісі Майк Уолц және Трамптың Таяу Шығыстағы арнайы өкілі Стив Уиткофф қатысады.

Сондай-ақ әлеуметтік желілерде АҚШ пен Украина делегацияларының кездесуінен алғашқы фотосуреттер жарияланды.

Еске салайық, бұған дейін Ресей мен АҚШ арасында да келіссөздер өткен. 
Путиннің көмекшісі Юрий Ушаковтың мәліметінше делегация барлық сұрақтар бойынша маңызды әңгімелерді қозғаған.