«Сатып кетті десе, сенбеңіздер». Ауғанстан президенті халыққа үндеу жасады

Елден қашып кеткен Ауғанстан президенті Ашраф Ғани өз азаматтарына видео хабарлама жазды, онда ол оқиғаның өз нұсқасымен бөлісті.

Бұл туралы Orda.kz хабарлады.

Еске салсақ, Ауғанстанның экс-президенті отбасымен Біріккен Араб Әмірліктерінде.

Ашраф Ғани қан төгілмеу үшін елден кеткенін мәлімдеді.

– Мен сізге Кабул құлаған күні не болғанын айтып беремін. Ауғанстаннан кетуге мәжбүр болдым, себебі мен Кабулда қан төгілуіне себепші болғым келмеді, - деді Ғани Facebook-те.

Оның айтуынша, Талибандар Кабулға шабуыл жасамаймыз деп, президент сарайын алдын ала қоршап алған.

– Менің Кабулдан тікұшаққа толтырып ақша алып кеткенім туралы қауесеттер өтірік, - деп қосты Ғани.

Ол өзінің елге барынша тез арада оралатынын айтты.

– Егер біреу сізге: «президент елді өзінің қаржылық мүддесі үшін сатып жіберіп, жанын құтқару үшін қашып кетті» десе, сенбеңіз! - деді Ғани.

Оның айтуынша, қауіпсіздік күштерінің мүшелері оған қастандық ұйымдастырылып жатқанын алдын ала ескерткен. Және шабуыл жасалған кезде оны жұмыс істеп жатқан жерінен алып кеткен.

Өз кезегінде, АҚШ енді Ашраф Ғаниді БАӘ-дегі өз елінің саяси қайраткері деп санамайды.

* Талибан - Қазақстанда, Ресейде және басқа да бірнеше елдерде тыйым салынған террористік ұйым.