Сатыбалдыұлының сыбайласына  іздеу жарияланды

Қазақстан Республикасының Сыбайлас жемқорлыққа қарсы іс-қимыл агенттігі Қ.Сатыбалдыұлына қатысты сотқа дейінгі тергеуді жалғастыруда.

Осыған байланысты Қ.Сатыбалдыұлына және басқа да тұлғаларға салықты және бюджетке төленетін басқа да міндетті төлемдерді төлеуден жалтару, сондай-ақ қылмыстық жолмен алынған ақшаны және өзге де мүлікті заңдастыру (жылыстату) фактілері бойынша қылмыстық іс қозғалды.

Тергеу барысында  Қ.Сатыбалдыұлының өте сенімді адамы  — Қазақстан азаматы, 1983 жылы туған, бірқатар коммерциялық кәсіпорындардың негізін қалаушы және директоры болып табылатын Эфенди Кемал белгілі болды.

Ефендидің қылмыстық рөлі кеден саласындағы мәселелерді шешу, қылмыстық жолмен алынған ақшаны және басқа да мүлікті заңдастыру (жылыстату) болды. Ол үшін Қ. Сатыбалдыұлы оған есепшоттан ақша алуға сенімхат берген. Мысалы, бір ғана қаралым бойынша Эфенди 2018 жылдың шілде-тамыз айларының 3 күнінде Қ.Сатыбалдыұлының жеке шотынан бір  37 млрд теңге және 62 млн АҚШ доллары шешіп алған.

Сонымен Эфендидің  биылғы  жылдың ақпан айынан бастап Қазақстаннан тыс жерде жасырынып, қылмыстық қудалау органына келуден қашып жүргені белгілі болды. Оның заңсыз әрекеттері ҚР ҚК 218 бабының 3 - бөлігі 3 тармағы  бойынша сараланады және оған іздеу жарияланды. Сотқа дейінгі тергеу жалғасуда.