Сәтбаев университеті олимпиада жүлдегерін қарсы алды 

Бүгін Satbayev University өз мақтанышы — Парижден қола медальмен оралған Александра Лені қарсы алды.

Бұл туралы ғылым және жоғары білім министрлігі хабарлады.

Александра өзінің жарыстағы серігі Ислам Сәтпаевпен бірге 10 метрден садақ тартудан аралас жұптық сайыста Қазақстанға 1996 жылдан бері алғаш рет медаль алып берді.

Университеттің 90 жылдық мерейтойы қарсаңында студенттің жетістігі тағы бір қуаныш қосып отыр.

«Барлық студенттерді және университетіміздің достарын мерейтоймен құттықтаймын. Өз альма-матерімді және Қазақстанды халықаралық аренада танытқаным мен үшін үлкен мәртебе», — деді Александра.

Александра Ле халықаралық дәрежедегі спорт шебері және Қазақстан ұлттық құрамасының мүшесі, Сәтбаев университетінің жобаларды басқару факультетінің студенті.

Orda.kz Александра мен Ислам Сәтпаевты қола медалімен тағы да құттықтайды!