Сасыған сайды сасытқан кімдер? Мәселе қашан шешіледі?

Сасыған сайдың экологиялық мәселесі осы жазда шешіледі, деп сөзіне сендірді ҚР Экология, геология және табиғи ресурстар министрлігі Экологиялық реттеу және бақылау комитетінің төрағасы Зулфухар Жолдасов.

Ол өңірдің кәріздік тазарту құрылғылары кешенінде болып, аймақты өз көзімен шолып шықты.

«Сасыған сай» булану алқабы – Атырау облысының басты проблемаларының бірі. Қаладан бірнеше шақырым жерде орналасса да мүңкіген сасық иісіне уланып біткен халық оны «Сасыған сай» атап кеткен.

Ондаған жыл бойы әртүрлі кәсіпорындар мен тұрғындар өндірістік және экономикалық қалдықтарды, сондай-ақ ағынды суларды ағызып келген. Нәтижесінде жағдай ушығып, атмосфералық ауаның күкіртсутекпен ластануына әкелді.

Өңір әкімдігі екі жыл бойы қаланың сол жақ жағалауы үшін кәріздік тазарту құрылғалары кешенін салу бойынша жұмыс жүргізіп келеді. Кешеннің қуаттылығы тәулігіне 70 мың текше метр ағынды құрайды деп күтілуде.

Қазіргі уақытта, кәріздік тазарту құрылыстарының жұмыстары толық аяқталды. Ағымдағы жылдың наурыз айынан бастап іске қосу-жөндеу жұмыстары жүргізіледі.

Кешен осы жылы жазда пайдалануға беріледі, - деді ҚР Экология министрлігінен.