Қайнардағы жарылыс болған қойма аумағын тазарту жалғасуда (фоторепортаж)

2021 жылдың 10 қазанында сағат 7.20 шамасында Жамбыл облысының Сарыкемер ауылындағы инженерлік оқ-дәрілер қоймасының аумағында бұрын зақымданған жарылғыш заттар өртенді. 

Orda.kz жарылыс болған аумақтан фоторепортаж жариялады.

Сарыкемердегі қойманың техникалық аумағын тазарту жұмыстары жалғасуда.

Жарылыс салдарынан оқ-дәрілердің қалдықтары мен бөлшектері жан-жаққа ұшпаған.

Бұл жұмыстан тыс уақытта орын алды. Жақын жерде адамдар болмаған. Ғимараттар мен құрылыстар зақымдалмаған. Қазіргі уақытта аудандағы ахуал тұрақты.

Алдағы уақытта да бұндай жағдайлар орын алуы мүмкін. Одан бөлек, қойма аумағында қауіпті оқ-дәрілердің бақыланатын жарылыстар жүргізілетін болады.

Бүгінгі күні биылғы 26 тамызында өртенген қойманың техникалық аумағын жарылғыш заттардан тазарту жұмыстары жалғасуда.

— Қазіргі уақытта Қайнар ауылының тұрғындары өз беттерінше жақын маңдағы туған-туыстарының үйлеріне кеткен. Ауылға кіретін жол жабық, - деп хабарлады жергілікті тілшіміз Исламбек Дастан.

Жарылыс орнынан хабар таратып, суреттер жіберген тілшіміз Исламбек Дастан.