Сарыағаш аудандық сотының төрағасы қызметінен босатылды

Сарыағаштағы 5 жасар қыздың өлімінен кейін аудандық сот төрағасы қызметінен босатылды.

Жоғарғы сот ішкі тексеру кезінде күдіктіге алдыңғы қылмысына қатысты заңсыз үкім шыққанын анықтаған.

Бас прокуратура қылмыскердің 2006 жылы кісі өлтіргені үшін 10 жылға сотталғанын, биыл мамырда ауылдасына балтамен шабуылдағаны үшін тағы да істі болғанын хабарлады.

Еске салайық, 13 шілдеде Сарығашта бес жастағы қыз бала көршісінің қолынан қаза тапқан еді. Күдікті сол күні ұсталып, қамауға алынды.