Сарыағашта журналист Амангелді Батырбековтің ұлы оққа ұшты

Сарыағашта 3 қаңтар кешке белгілі журналист Амангелді Батырбековтің отбасына шабуыл жасалып, ұлы оққа ұшқан.

Азаттық радиосының хабарлауынша, Батырбековтің ұлы арқасы мен иығынан жарақат алып, жансақтау бөлімінде жатқанын айтқан.

Журналист шабуылды өзінің қызметімен байланыстырады - ол жергілікті билікке қатысты сыни көзқарасымен танымал «Сарыағаш инфо» газетін шығарады.

Батырбековтің айтуынша, қараша айында ол облыстық мәслихат депутаты, Шымкент қалалық прокуратурасының қызметкері және сыбайлас жемқорлыққа қарсы іс-қимыл агенттігінің орынбасарын «не байланыстырады» деген мақала жарияланған. Журналист осыдан кейін оған біреулер хабарласып, бұл мақаланы жарияламауды ұсынғанын, ол бас тартқанын айтты.

Түркістан облысының шенеуніктер мен судьялары Амангелді Батырбековтің үстінен талай рет сотқа шағым түсірген, қазір оған қатысты бір қылмыстық іс тергелуде. Бұған дейін ол жала жабу бабы бойынша екі рет нақты мерзімге бас бостандығынан айрылып, кейін екі рет босатылған. Осыған қарамастан Батырбеков журналистиканы тастамаған.