Сәрсеновтің отбасы Каспий жағалауындағы жерді заңсыз алған

Заңсыз алынған жер аймақтағы ең көрікті жер, деп хабарлайды Orda.kz порталы.

Маңғыстау облысында прокурорлар Каспий теңізі жағалауының бойындағы 3,4 мың гектар жер учаскесін жеке тұлғаға заңсыз беру фактісін анықтаған болатын.

«Кендірлі шығанағы деп аталатын бұл учаске оңтүстік-шығыстан солтүстік-батысқа қарай 23 шақырымға созылатын аумақтың басты көрікті жерінің бірі», делінген хабарламада.

2007 жылы учаске "Маңғыстаумұнайгаз" АҚ-қа сауықтыру кешенін салу үшін 3,1 млрд теңгеге сатылып, кейіннен "Гелиос" ЖШС-не 3,3 млрд теңгеге қайта сатылған.

Талдау көрсеткендей жергілікті атқарушы орган тарапынан Жер кодексі талаптары бұзылып, бұл жердің заңсыз берілгені анықталды. Атап айтқанда, жер комиссиясының отырысы өткізілмегені, сондай-ақ жер учаскесіне жерге орналастыру жобасы болмағаны анықталды, делінген хабарламада.

Сот сатып алу-сату шарттарын жарамсыз деп тануға шешім қабылдады. Бүгінгі таңда жер учаскесінің кадастрлық құны 30 млрд теңгеден асады.