Сарбазды тапаншамен атып өлтірген офицер 13 жылға сотталды

Астанадағы әскери мамандандырылған ауданаралық қылмыстық істер соты мерзімді қызметтегі сарбаз Марат Барқұловты өлтірген офицер Дамир Досов 13 жылға сотталды, деп хабарлайды Orda.kz.

Сот үкімімен Дамир Досов қылмыстық кодекстің 99-бабы 1-бөлігі, яғни қасақана кісі өлтіру бойынша кінәлі деп танылып, 13 жылға бас бостандығынан айырылды. Сонымен қатар, сот Досовты гвардия лейтенанты әскери атағынан айырды.  

Сондай-ақ, қаза тапқан сарбаздың анасы Әсия Барқұлованың азаматтық талабы да қаралды. Оған моральдық зиян ретінде 20 миллион теңге өтемақы төленетін болды. Талап ішінара қанағаттандырылды, себебі Барқұлова 50 миллион теңге алуды сұраған болатын.

Еске сала кетейік, мерзімді қызметтегі сарбаз Марат Барқұлов 2024 жылдың 7 қыркүйегінде «Батыс» өңірлік қолбасшылығының бөлімшелерімен өткен жиын кезінде оққа ұшқан. Оқиға Маңғыстау облысындағы «Оймаш» полигонында болды. Сотта куәгерлер лейтенанттың оларға тапаншамен қорқытып, бейәдеп сөздер айтқаны мәлім болды.