Сарбаздарды ұрып-соғып, темекі тұқылын жеуге мәжбүрлеген сержант неге түрмеден құтылып кетті?

Актөбе гарнизонында сержант мерзімді әскери қызметшілерді ұрып-соғып, оларды темекі тұқылын жеуге мәжбүрлеген, деп хабарлайды Orda.kz. 

Сержант билікті асыра пайдаланғаны үшін кінәлі деп танылды, бірақ тек екі жылға бостандығын шектеу жазасын алды. Әскери прокурорлар әскерде қорлық көрсеткені үшін неге мұндай жеңіл жаза тағайындалғанын түсіндірді.

Бас әскери прокурордың орынбасары Талғат Бекбергенов сержантқа шығарылған үкімді әділ деп санайды, өйткені сарбаздардың ешқайсысы ауыр жарақат алмаған.

«Жаза шынайылыққа сәйкес келеді, мерзімді әскери қызметшілерге қатысты билікті асыра пайдаланғаны үшін сотталды. Ауыр зардаптар жоқ, ал айыпталушының жеке қасиеттерін ескере отырып, шығарылған үкім оны түзетуге жеткілікті», — деп түсіндірді брифингте прокурордың орынбасары.  

Сонымен қатар, прокурор әскери шен бойынша жоғары тұрған адамның қорлауына немесе зорлық-зомбылығына, мысалы, темекі тұқылын жеуге мәжбүрлеуіне, сарбаздар бағынуы керек пе деген сұраққа жауап берді.

Мұндай жағдайда бұл заңсыз бұйрық болып саналады. Екіншіден, сарбаз оны орындауға міндетті емес және орындамауы тиіс. Жарғыға сәйкес, ол жоғары тұрған қызметкерге айтып, заңсыз бұйрық берілгені туралы хабарлауы керек», — деді Бекбергенов.