Сарбаздар мен әскери қызметшілерге телефон қолдануға рұқсат берілді

ҚР Қорғаныс министрлігі әскери қызметшілердің ұялы телефондарды пайдалану ережелерін жаңартты, деп хабарлайды Orda.kz  ведомствоның баспасөз қызметіне сілтеме жасап.

Ведомство басшысының 2026 жылғы 30 наурыздағы бұйрығына сәйкес, әскери бөлімдер мен министрлік құрылымдарында мобильді телефонды әкелу, алып шығу және пайдалану тәртібі жаңартылды.

Жаңа өзгерістерге сәйкес, сарбаздарға, курсанттар мен кадеттерге мобильді құрылғыларды орналасатын орнына дейін өшірулі күйде алып келуге рұқсат етілді.

Телефондарды казарма аумағында, сондай-ақ әскери госпитальдар мен медициналық бөлімшелерде пайдалануға болады.

Бұған дейін әскери қызметшілер тек батырмалы телефондарды ғана және қатаң шектеулі уақытта пайдалана алатын. Ендігі жерде ҚР Қарулы күштерінде ұялы телефондарды пайдалану қағидалары жаңартылып, мерзімді әскери қызметшілерге жеке смартфондарын қолдануға рұқсат берілді.

«Бұл өзгерістер армияға заманауи көзқарастың көрінісі. Сондай-ақ олар отбасы мүшелерімен байланыста болуға, өзін-өзі дамытуға және бос уақытты тиімді өткізуге мүмкіндік береді» деп қорытындылады Қорғаныс министрлігі. 

Министрлік мәліметінше, телефонды пайдалану уақыты бөлім командирлерінің шешімімен белгіленеді және әдетте күн тәртібіндегі жеке уақытпен шектеледі. Бұл жауынгерлік және мемлекеттік-құқықтық дайындықтан қол үзбеуді көздейді.

Оқи отырыңыз:

• Еліміздің Қарулы Күштері Бас штабының бастығы өзгерді
• Көктемгі әскерге шақыру басталды: 21 мыңнан астам азамат сарбаз атануға міндетті
• Қарулы Күштердегі жанар-жағармайға қатысты кейбір нұсқаулықтар өзгереді