Сарапшылар әлемнің долларсыз болатынын болжады

Валютаның болашақ тағдыры мен келешегін талдауға тырысатын сарапшылар  доллар көп ұзамай онша күшті валюта болмауы мүмкін екенін алға тартады.

Кейбіреулер долларға балама жоқ, алда тек өсу күтіп тұр дейді. Бірақ доллардың күнінің  қараң екенін болжайтындар да бар. Financial Times жазғандай, мұндай нәтиже бүгінгі шындықтағы түсінікті себептерге байланысты болуы мүмкін. Мақала авторы Ручир Шарма доллар өзінің үстемдігін жоғалтады деп болжайды. Тым болмағанда, Ресейге қарсы санкциялар жағдайында көптеген елдер оған белсенді түрде балама  іздеуде.

— Қазір Америка Құрама Штаттары әлемге 18 триллион доллар немесе АҚШ ЖІӨ-нің 73% қарыз. Бұл 50% шегінен әлдеқайда жоғары, ол бұрынғы валюталық дағдарыстардың  хабаршысы еді, - деп атап өтті автор.

Оның айтуынша, доллар әрқашан бәсекелестердің әлсіздігінен нығайды. Қазір ол әлсіреді және жақын арада доллардан кейінгі әлем орнауы мүмкін. Ал еуроны үнемі қаржылық дағдарыстар әлсіретеді. Осының аясында жаңа баламалар пайда болып, күшейе түсуде, олар – канадалық және австралиялық долларлар, швейцариялық франк пен юань.