Сарапшы Нүкенованың жарақатын манекенге салып көрсетті

Бишімбаев сотында сарапшы Тимур Халимназаров Салтанат Нүкенованың жарақаттарын манекенге салып көрсетті, деп хабарлайды Orda.kz порталы. 

Сарапшы манекеннің басына көгерген және соғылған сызаттар салып көрсетті.

«Барлығы көрсетілді. Бұның барлығы - бас-ми жарақаты. Оған бет пен бас сүйегі де кіреді. Көк түс көгерген жерді, қызыл түс сызаттарды білдіреді. Сарапшының қорытындысында бас-ми жарақатын (зақымдану – еск.) көрсететін сот-медициналық диагнозы белгіленді – мұның бәрі көгеру, сырылу, жара. Бұл жарақаттардың барлығы мидың зақымдалуына әкелетін сыртқы жанасу жарақаттары болып саналады... Мұның бәрі жалпы алғанда ауыр зиян ретінде жіктеледі және өлімнің тікелей себебі болып табылады. Яғни, өлімнің себебі - барлық жарақаттарды қоса алғанда - бөлек қарастыруға болмайды. Бұл жарақаттардың барлығы бірін-бірі ауырлатады», - дейді сарапшы. 

Сондай-ақ сарапшы прокурордың «шок-травматикалық әсер дегеніміз не және оны қалай дұрыс түсіндіру керек, бұл соққы болуы мүмкін бе?» деген сұрағына жауап берді:

«Қарапайым тілмен айтқанда, бұл басқа тиген соққылар. Жаратылыста адам өзі мұндай бас жарақатын алмайды, өйткені ол құлаған кезде басын қорғайды», - деп қосты сарапшы.