Саран қаласының әкімі жылыту маусымын бұзғаны үшін қызметінен кетті

Қарағанды облысындағы Саран қаласының әкімі Еркін Баулықов қызметінен босатылды. Облыс әкімдігінің мәлімдеуінше, бұл шешім жылыту маусымының бұзылуына байланысты қабылданды, деп хабарлайды Orda.kz.

Қала әкімі қызметін уақытша атқарушы болып Баулықовтың бұрынғы орынбасары Мақсат Қайрешов тағайындалды.

Саран тұрғындары 13 қазанда сырттағы температура 0 градус болған кезде жылусыз қалды. Сол уақытта әкімдік қаладағы жаңа орталық қазандықтағы технологиялық ақаулар туралы хабарлады.

17 қазанда Энергетика министрі тұрғын үйлер мен әлеуметтік нысандардың жылу жүйесіне қосылғанын мәлімдеді.

28 қазанда Саран қаласының әкімі Еркін Баулықов пен Қарағанды облысының энергетика және ТКШ басқармасының басшысы Тілектес Досаев жылыту мәселесіне байланысты қатаң сөгіс алды.