Сара Назарбаева негізін қалаған институттың аты өзгереді

Құрылтайшысы Қазақстанның экс-президенті Нұрсұлтан Назарбаевтың жұбайы - Сара Назарбаева болып отырған «Адамның үйлесімді дамуы ұлттық институты» КЕАҚ атауы өзгертілуі мүмкін.

«Адамның үйлесімді дамуы ұлттық институты» КЕАҚ «Өркен» балалар әл-ауқатының ұлттық ғылыми-практикалық институты» КЕАҚ болып қайта аталсын» делінген Үкімет қаулысының жобасында.

Айта кету керек, Адамның үйлесімді дамуы ұлттық институты бұған дейін «Өзін-өзі тану» пәні бойынша мұғалімдер «біліктілігін арттыратын» мекеме ретінде жарияланған болатын, оның авторы да Назарбаева. «Адамгершілік-рухани құндылықтарды жаңғырту жобасы» ретінде позицияланған пән бұған дейін Қазақстандағы жалпыға міндетті мектептер тізімінен шығарылған болатын.