Сара Алпысқызы ем алуды Алматыда үй жағдайында жалғастырады

Сара Алпысқызы Назарбаеваның денсаулығы туралы ақпарат белгілі болды, деп хабарлайды Orda.kz.

Айдос Үкібайдың мәліметінше, Сара Назарбаева 2025 жылдың сәуір айынан бастап Алматы қаласындағы президент ісі басқармасы медициналық орталығы Ұлттық госпиталінде ем қабылдаған. Сол кезде ол жүрек қан айналысы жеткіліксіздігі диагнозымен жатқан.

«Дәрігерлер оған ауыр қант диабеті мен ишемиялық жүрек ауруы, өкпе ауруы, сондай-ақ созылмалы бүйрек жеткіліксіздігі диагноздарын қойған. С.Назарбаева біраз уақыт жасанды тыныс беретін және  бүйрек құрылғысына қосылған» деп жазды Үкібай.

Биылғы қаңтар айында ол жағдайы тұрақтанған соң стационардан шығарылған. Қазіргі уақытта Сара Алпысқызы Алматыда үй жағдайында дәрігерлердің бақылауында.