Сапасыз футбол алаңынан жарақат алған: астаналық ата-ана әкімдіктен 250 мың теңге өндіріп алды

Астанада кәмелеттік жасқа толмаған бала әкімдікке тиесілі футбол алаңында ойнап жүріп, ауыр жарақат алды. Тіпті балаға ота жасалды, деп хабарлайды Orda.kz порталы.

Жарақат алған баланың ата-анасы сапасыз футбол алаңын салған әкімдікті сотқа берген, алайда әкімдік кінәсін мойындамай, баланың денсаулығына ата-анасының жауапты екенін алға тартқан.

Сот әкімдікті өз мүлкін дұрыс ұстамағаны үшін кінәлі деп тауып, арызды ішінара қанағаттандырды. Әкімдіктен ата-ана пайдасына 250 мың теңге моральдық шығын өндірілді.