Сапарбаев Елдос Сметовке жаңа автокөліктің кілтін табыстады

Жамбыл облысының әкімі Бердібек Сапарбаев Токио Олимпиадасының қола жүлдегері, дзюдо шебері Елдос Сметовті қабылдап, жаңа көліктің кілтін табыстады.

Бұл туралы Orda.kz хабарлайды.

– Жамбыл жерінен шыққан спорт саңлақтары аз емес. Солардың бірі де бірегейі – Елдос Сметов деп білеміз. Сенің жетістігің, спорттағы табыстарың – бүгінгі жас буынға үлгі-өнеге. Сен өзіңнің мықты спортшы екенінді тағы да дәлелдей түстің. Барша жанкүйерлердің үмітін ақтадың, - деді облыс әкімі Бердібек Сапарбаев.

Облыс әкімі Елдос Сметовке жаңа автокөлік кілтін табыстап, алдағы уақытта да еліміздің спортын дамыту жолындағы еңбегіне сәттілік тіледі. Ал жаттықтырушысы Ғалымжан Жылгелдиевке 1 миллион теңгенің сертификаты табыс етілді.