"Сапалы білім" пәннің көптігінен емес дейді сенат депутаты

Парламенті Сенатының депутаты Алтынбек Нухұлы мектепте сабақ санын азайтуды ұсынды. 

Қазақстанда оқушыларға шамадан тыс көлемде ақпарат беріледі.

Бұл туралы ол мәжіліс отырысында айтты:

«Сапалы білім берудегі озық елдер Жапония, Оңтүстік Корея, Канада мектеп оқушылары нақты білім салаларына қатысты 7-8 сыныпта 4-6 пәнге дейін оқитын болса, бізде 7 сыныпта 15 пән, ал 9 сыныпта 16 пән. Міндетті оқу пәндері екі жарым есе көп. Мұндай пәндердің жалпы шамадан тыс саны әлемдегі бірде бір дамыған елде жоқ»,-  дейді Алтынбек Нухұлы.

Айтуынша, дамыған елдерде пән санын азайтып, білім сапасына басымдық беріледі.