Санкция болмағанда Үшінші дүниежүзілік соғысқа ұласуы мүмкін еді – Байден

АҚШ президенті Джо Байден Украинадағы оқиғаларға байланысты Батыстың Ресейге қарсы ауқымды санкцияларын енгізудің баламасы «үшінші дүниежүзілік соғыстың» басталуы болады деп мәлімдеді.

Джо Байден журналист және актер Брайан Тайлер Коэн YouTube арнасына берген сұхбат берді.

– Екі жол бар: үшінші дүниежүзілік соғысты бастау және Ресеймен бетпе-бет соғысу немесе халықаралық құқықты қатты бұзған елдің мұны жасағаны үшін құнын өтеуін қамтамасыз ету, – деді Байден.

Ол Украинадағы оқиғалардың Ресей үшін жақын арада ғана емес, алыс болашақта да салдары болатынын баса айтты.

– Ресей қысқа және ұзақ мерзімде, әсіресе ұзақ мерзімде бұл үшін елеулі төлем өтейді, – деп қосты Америка президенті.

Еске салсақ, Ресей президенті Владимир Путин Донбас республикалары басшыларының үндеуіне жауап ретінде арнайы әскери операция жүргізу туралы шешім қабылдап, Украинаға қарсы соғыс жариялады. Ресей басшысы өз сөзінде Мәскеудің жоспарында Украина аумақтарын басып алу жоқ екенін айтқан болатын.