Санкцияға ұшыраған ресейлік банктер SWIFT жүйесінен ажыратылады

Батыс елдері ресейлік банктерді SWIFT халықаралық банктік төлем жүйесінен ажыратуға келісті. Бұл туралы Еурокомиссия мәлімдемесінде айтылған.

Ұлыбритания, Германия, Италия, Канада, АҚШ, Франция, сондай-ақ Еуропалық комиссия ресейлік банктерді халықаралық санкциялар салынған SWIFT жүйесінен ажырату туралы шешім қабылдады.

«Біз Ресейді халықаралық қаржы жүйесінен және біздің экономикамыздан одан әрі оқшаулайтын шығындарды салуды жалғастырамыз. Біз бұл шараларды жақын күндері жүзеге асыратын боламыз»  делінген Еурокомиссияның мәлімдемесінде.

Сондай-ақ елдер Ресей Орталық банкінің халықаралық резервтерін санкциялардың әсерін әлсірететіндей пайдалануына жол бермейтін шектеу шараларын енгізуге келісті.

Бір күн бұрын Украина президенті Владимир Зеленский Еуропаның барлық елдері Ресейді халықаралық банктік төлемдердің SWIFT жүйесінен ажыратуға келіскенін мәлімдеді.

Ұлттық экономика министрі Әлібек Қуантыров егер Ресей SWIFT жүйесінен ажыратылса, Қазақстан «бұдан әрі жол таба алады» деп есептейді.