«Самұрық-Қазына» қорының жаңа басшысы тағайындалды

Қор алдында ауқымды міндеттер тұр, деді Премьер-Министр Смайылов.

Премьер-Министр Әлихан Смайылов «Самұрық-Қазына» Ұлттық әл-ауқат қоры» АҚ ұжымына жаңа басқарма төрағасын таныстырды. Бұл Нұрлан Жақыпов болды, деп хабарлайды Orda.kz үкіметтің баспасөз қызметіне сілтеме жасап.

Үкімет басшысы қор алдында инвестиция тарту, энергетикалық кешенді дамыту, инфрақұрылымды, көлік-логистиканы және республиканың индустриялық дамуын қамтамасыз ету бойынша ауқымды міндеттер тұрғанын атап өтті.

Сонымен қатар, Қор отандық тауар өндірушілерді белсенді түрде қолдап, оларға қолайлы жағдай жасауы керек.

«Әр еншілес кәсіпорынның және жалпы холдингтің жұмысының басым бағыттары мен KPI айқындалды, алдағы міндеттер айқын. Қор біздің мемлекетімізде ірі активтерді басқаратын өте маңызды элемент болып табылады. Көп нәрсе қордың тиімді жұмысына, әсіресе, бүкіл экономикаға әсер ететін ірі жобаларға және еліміздің одан әрі прогрессивті дамуына байланысты» деді Смайылов.

Үкімет басшысы қорды соңғы екі жылда басқарған Алмасадам Сәтқалиевке алғыс білдірді.