«Самұрық-Қазына» өзінің еншілес ұйымына екі ірі су электр стансасын берді

«Самұрық-Қазына» қоры мәмілені «Өскемен СЭС АЭС» ЖШС мен Шүлбі ГЭС-інің активтерін «Самұрық-Энерго» еншілес ұйымына беру арқылы аяқтады, деп хабарлайды Orda.kz порталы.

«Самұрық-Қазына» қоры 2023 жылдың сәуірінен бастап Шүлбі және Өскемен су электр стансаларының 100 пайыздық үлесіне ие болды.

Мәмілені жүзеге асыру үшін мамыр айының басында «Самұрық-Энерго» 59,7 млрд теңгеге қайта капиталдандырылды. Осындай қаражат тарту үшін компания KASE Қазақстан қор биржасында 635,5 мың акция орналастырды. Бағалы қағаздарды сатып алудың басым құқығы «Самұрық-Қазына» қорына тиесілі болды.

2021-2022 жылдары бұл су электр стансаларын жеке инвесторға сату жоспарланған болатын, бірақ 2023 жылы үкімет бұл жоспарлардан бас тартып, энергетика саласындағы ұлттық компаниялардың позициясын нығайтуды жөн көрді.

2024 жылдың мамырында Қазақстан президенті Қасым-Жомарт Тоқаев «Экономиканы ырықтандыру жөніндегі шаралар туралы» Жарлыққа қол қойды, оған сәйкес Қаржы нарығын реттеу және дамыту агенттігінің жанынан Ұлттық жекешелендіру басқармасын құру көзделген. Жаңа құрылым 2028 жылдың 31 желтоқсанына дейін оларды кейіннен жеке секторға сатуға арналған мемлекет активтерінің тізбесін анықтайды.

2021 жылдың 29 қарашасында әлеуметтік желілерде екі су электр стансасының шетелдік инвесторларға сатылғаны туралы ақпарат пайда болды. Қарашаның 30-ы күні экс-энергетика министрі Мағзұм Мырзағалиев инвесторларға әрбір су электр станциясының 74,99 пайыз акциясы сатылып, 25 пайызы мемлекет меншігінде қалатынын айтты.

Оның айтуынша, бұл тек жекешелендіру немесе ескі су электр стансаларын сатып алу ғана емес, жөндеу жұмыстары, сондай-ақ олардың қуаттылығын арттыру әлеуеті туралы болды. Олар Шүлбі ГЭС-інде жаңа каскад салуды жоспарлап отыр, бұл стансаның қуатын 500 мегаваттқа арттырады.