«Самұрық-Қазына» қорының директорлар кеңесіне жасанды интеллект мүше болды

«Самұрық-Қазына» ұлттық әл-ауқат қоры алғаш рет жасанды интеллект негізінде әзірленген SKAI (Samruk-Kazyna Artificial Intelligence) жүйесін директорлар кеңесінің тәуелсіз мүшесі ретінде таныстырды, деп хабарлайды Orda.kz.

SKAI – директорлар кеңесіне дауыс беру құқығы бар болып қосылған алғашқы цифрлық тәуелсіз мүше. Жаңа жүйе Мемлекет басшысы Қасым-Жомарт Тоқаевқа Астанада өткен халықаралық Digital Bridge форумында таныстырылды.

Қордың мәліметінше, SKAI ішкі және сыртқы құжаттарды, директорлар кеңесінің 2008 жылдан бері қабылдаған шешімдерін және қор жұмысы барысында жинақталған басқа да деректерді талдайды. 

«Жасанды интеллект негізіндегі нейрожелінің Директорлар кеңесіне тағайындалуы – бұл нағыз кванттық серпіліс: технология мен адамдар шешімді бірлесе қабылдайды, ал цифрландыру тек қана бизнес-процестермен шектелмей, басқару философиясының бір бөлігіне айналып келеді», – деді «Самұрық-Қазына» АҚ басқарма төрағасы Нұрлан Жақыпов. 

SKAI «Қазақтелекомның» екінші суперкомпьютері Al Farabium-ның жабық контурында жұмыс істейді. Осылайша, ақпарат ел аумағынан тыс жаққа тарамайды, ал жоғары есептеу қуаты талдаудың сенімділігі мен жылдамдығын қамтамасыз етеді. Жүйенің негізі ретінде қазақстандық Alem LLM тіл моделі қолданылған.

Еске сала кетсек, бұған дейін Жасанды интеллект және цифрлық даму министрі болып Жасұлан Хасенұлы  Мәдиев тағайындалған еді. Ал қыркүйектің басында Албанияда жасанды интеллект министр болып тағайындалды.