Самарқандта ШЫҰ елдерінің басшылары жиналды

Президент Қасым-Жомарт Тоқаев Шанхай ынтымақтастық ұйымына мүше мемлекеттер басшылары кеңесінің Саммитіне қатысу үшін жұмыс сапарымен Самарқанд қаласына келді. Бұл туралы Ақорданың баспасөз қызметі хабарлайды.

Мемлекет басшысын Самарқанд әуежайында Өзбекстан Республикасының премьер-министрі Абдолла Арипов күтіп алды.

Қасым-Жомарт Тоқаевты «Silk road» туристік орталығында Өзбекстан Президенті Шавкат Мирзиёев қарсы алды. Бұл жерде Қазақстан Президенті Шанхай ынтымақтастық ұйымына мүше-мемлекеттер басшыларымен бірге ағаш отырғызды.

Мемлекет басшысы Самарқандтағы «Мәңгілік қала» кешеніне барып, көрмелер мен шығыс базарын тамашалады. Шанхай ынтымақтастық ұйымына Индия, Қазақстан, Қырғыз Республикасы, Ресей, Қытай, Пәкістан, Тәжікстан және Өбекстан елдері мүше.