«Самара-Шымкент» тас жолында жүк көлігі полиция көлігіне соғылып, төрт адам жарақат алды

«Самара-Шымкент» тас жолында жүк көлігінің аударылуы салдарынан полиция қызметкерлері мен екі адам жарақат алды, деп хабарлайды  Orda.kz.  

Оқиға 7 қаңтарда Қызылорда қаласына жақын Талдыарал елді мекені маңында болған. Қызылорда облысы патрульдік полициясының қызметкерлері жол апатын рәсімдеп жатқан кезде, «Man» жүк көлігі басқарудан шығып, «Газель» эвакуаторына соқтығысқан. Жүк көлігінің тіркемесі полиция көлігіне құлап, «Lexus» көлігіне зақым келтірген.  

Салдарынан екі полиция қызметкері, сондай-ақ «Lexus» жүргізушісі мен жолаушысы жарақат алып, ауруханаға жеткізілді. Қазіргі уақытта тергеу амалдары жүргізілуде.