Салық кодексіне өзгерістер енгізілді

Қасым-Жомарт Тоқаев Салық кодексіне өзгерістер енгізу туралы заңға қол қойды, деп хабарлайды Orda.kz.

Алайда президент қол қойған заң жаңа Салық кодексі емес. Экономика министрлігінің мәліметінше, бұл — 2017 жылдан бері қолданыстағы Салық кодексіне енгізілген толықтырулар мен өзгерістер.

«2025 жылғы 15 шілдеде Қазақстан Республикасының Президенті «Салық және бюджетке төленетін басқа да міндетті төлемдер туралы» Қазақстан Республикасының Кодексіне (Салық кодексі) және оны қолданысқа енгізу мәселелері бойынша Қазақстан Республикасы заңдарына өзгерістер мен толықтырулар енгізу туралы» Заңға қол қойды. Құжат 2017 жылдан бастап қолданыстағы Салық кодексіне түзетулер мен толықтырулар енгізеді»,  деп хабарлады Ақорда.

Айта кетейік, жаңа түзетулерге сәйкес, қосылған құн салығының мөлшері 16 пайызға дейін ұлғайтылады, ал ҚҚС бойынша тіркеу шегі 40 миллион теңге көлемінде белгіленеді.