Салтанат Нүкенованың есімі елдің тарихи тұлғалар пантеонына енгізілді

Қостанай облысында Сапар Ысқақов негізін қалаған «Амангелді» туристік кешеніндегі мемориалдық қабырға мен пантеонда Салтанат Нүкенованың есімі жазылды, деп хабарлайды Orda.kz.

Мемориалдық тақтада Қазақстан тарихына ықпал еткен тұлғалардың қатарында Салтанаттың есімі де көрсетілген. Бұған дейін Павлодардан алынған топырақ пантеонға жеткізіліп, капсула түрінде мемориалға қойылған болатын. Бұл туралы Салтанаттың ағасы Айтбек мәлімдеді.

Еске салсақ, Айтбек Амангелдінің «Шерзат ісі бойынша көптеген шығындарды қалтамнан өтеп жатырмын» деген сөзі қоғамда күмән тудырды. Қоғамда оның Qantar қорынан қаржылай қолдау алғаны, сондай-ақ қорды кімдердің құрғаны және қаражаттың қайдан түскені жөнінде пікірлер көбейді.

Осы күдіктер жиілеп, түрлі көзқарастар тарағаннан кейін Orda.kz тілшісі қоғамдық қор өкілдеріне тікелей хабарласып, мән-жайды анықтауға тырысты.