Салтанат құлап, басын соғып алды – Бишімбаев

Салтанат Нүкенованы өлтірді деп айылталған күдікті, ұлттық экономика экс-министрі Қуандық Бишімбаевтың ісіне қатысы сот отырысы жалғасып жатыр.

Экс-министр оқиға болған күні не болғанын айтып берді.

Оның айтуынша, екеуі әнші Дима Биланның концерті кезінде сөзге келіп, Bau мейрамханасына келген.

«VIP бөлмеге кірдік, ол қайтадан бастады... Тағы да сол әңгіме, сол тақырып. Үйге қайтайық дедім. Бірақ оның реніштері көп... Ол тағы бір жарым сағат жазғы оқиғалар туралы, біздің ажырасуымыз туралы айтты. Мен жарайды, сөйлей берсін деп отырдым. Ол айқайлай бастады. Онда жұмысшылар болды. Мен егер айқайлағың келсе, VIP-тегі дәретханаға барайық, әйтпесе залда адамдар бар дедім.  Біз дәретхананың еденінде отырдық»,- деп жалғастырды Бишімбаев.

Оның айтуынша, Салтанат дәретханаға басын ұрып алған.

«Ол қайтадан сол тақырыпқа оралып: маған берген сыйлықтарыңыз үшін өкінесіз бе? Мен саған бәрін қайтарамын», - деп сырғасын, неке жүзігін, сағатын шешті. Менің  сүйіспеншілікпен берген барлық символикалық сыйлықтарымның бәрін әжетханаға тастады. Мен таң қалдым, мен оның не істеп жатқанын көріп, үнсіз қалдым. Ол бәрін дәретханаға ағызды. Мен қатты эмоцияға берілдім. Мәселе тіпті құнында да емес, әрбір зат менің махаббатымның белгісі еді. Ішінде анамның сырғасы болды»,- деді экс-министр.

Бишімбаевтың айтуынша, осыдан кейін, бірдеңе алуға кетіп, барда қолына түскен бөтелкені алған.

«Ол дәретхана есігін  іштен іліп алды, айқай, шу шығарып, қабырғаларды соғып, балағат сөздер айтты. Мен есікті қаға бастадым - «Салта, Салта, аш» деп . Ол естімейді. Мен есікті жұдырығыммен ұра бастадым. Ол менің есікті қағып жатқанымды естіп, маған ұрыса бастады. Менде де агрессия пайда бола бастады. Есік сынып қалады деген оймен есікті жәй соға бастадым. Мен динамик тұрған штативті ұстадым. Бұл бәрін ушықтырды. Мен есікті соға бастадым, содан кейін оның ішінде тесік пайда болды. Ол есікті ашты. Мен штативті лақтырып, ішке кірдім. Ол мені балағаттай бастады, мен де оған ұятсыз сөздер айттым. Екеуміз қатты ұрыса бастадық. Ол менің көйлегімді жыртты. Мен оның иығынан ұстап, итеріп жібердім, ол қабырғаға соғылды. Ол маған шабуыл жасағанда мен де оның көйлегін жыртып алдым.
Ол көйлегін шешіп, маған лақтырды. Мен өзімді ұстай алмай, оның бетінен бір-екі рет ұрдым. Ол: «Мен де шалбарыңды шешемін» деп тарта бастады. Мен оның белінен ұстадым, ол әжетханаға қарап тұрды. Ол мен оны ұстайды деп ойлады, бірақ мен жібергенмін. Ол әжетханаға қарай құлай бастады. Алдымен қабырғаға соғылды соққы өте жойқын болды. Сосын ол еденге құлап түсті.
Қарасам, ол дәретхананың қасында қимылсыз жатыр, шалбары тізесіне дейін түсіп кеткен. Мен аң-таң болып, қарадым. Ол жерде 15 минуттай көзі ашық жатты.
Сосын ол тұрды, мен дәретханада сағат бар екенін көрдім. Ол оны жуған кезде мен ішке қарасам, сағаттың жуылмағанын және неке жүзігінің сағат білезігіне жабысып қалғанын көрдім.
Мен оған: «Онда қалаған нәрсеңді ал» дедім. Ол түсінді. Қайтадан тұрып, бетін еденге соқты» деді ол.