“Сақалды сайқымазақ”. Әкім орындығына отырып алып билікті сынаған азамат көпшіліктің ашуын туғызды

Желіде белгісіз блогердің Қарабұлақ ауылдық округі әкімінің орындығына отырып алып сөйлеген видеосы талқылануда, деп хабарлайды Orda.kz порталы.

Әкімдік кеңсесінде мемлекеттік тудың жанында отырған блогер бірінің шамына тиіп, бірінің күлкісін келтіріп, халықтың мәселелерін «шешіп» берді. Бейнеролик мыңдаған қаралым жинап үлгерді.

Желі қолданушылар үкімет үйін «кіріп шыға беретін бей-берекет орынға» айналдырғаны үшін округ әкімін жауапқа тарту қажет деген пікір білдіруде.